ᓄᓇᔅᑖᕐ ᐃᒡᓗᓂᑦ ᐊᑐᖅᑐᐊᑎᑦᑎᔩᑦ – ᐃᖃᓗᓐᓂ ᐃᒡᓗᓂᑦ ᐊᑐᖅᑐᐊᑎᑦᑎᔩᑦ

 

ᓄᓇᔅᑖᕐ ᐃᒡᓗᓂᑦ ᐊᑐᖅᑐᐊᑎᑦᑎᔩᑦ ᐊᖏᓛᖑᕗᑦ ᐃᒡᓗᓂᑦ ᓂᐅᕕᕐᕕᖃᐅᖅᑐᓂᑦ ᐊᓪᓚᕝᕕᓂᓪᓗ ᐱᖁᑎᖃᐅᖅᑐᑦ ᐊᑐᖅᑐᐊᖅᑕᐅᔪᓐᓇᖅᑐᑎᑦ ᑲᒻᐸᓂᐅᓪᓗᓂ ᑲᓇᑕᑉ ᐅᑭᐅᖅᑕᖅᑐᖓᓂ ᐊᒻᒪᓗ, ᐃᖃᓗᓐᓂ, ᐊᐅᓚᑦᑎᓲᑦ 369−ᓂᒃ ᐃᒡᓗᓂᑦ ᑲᑎᙵᐅᖅᑐᓂᑦ ᖁᓕᕇᓂᒃ ᐊᒻᒪᓗ ᑲᑎᙵᐅᖅᑐᓂᑦ ᓴᓂᒧᑦ ᐃᒡᓗᓂᑦ ᑲᒪᓲᑦ, ᐱᖃᓯᐅᑎᓪᓗᒍ 6-ᓃᒃ ᖄᖅᑎᓕᒃ ᐊᒻᒪᓗ 8-ᓂᒃ ᖄᖅᑎᓕᒃ ᐃᒡᓗᐃᑦ ᑲᑎᙵᐅᖅᑐᑦ ᐃᒡᓗᐊᓗᒻᒥ, ᐊᒻᒪᓗ ᑎᓴᒪᐅᔪᖅᑐᑦ ᐊᑕᐅᓯᕐᓗ ᐃᒡᓗᐃᑦ ᑲᑎᙵᐅᖅᑐᒡᒍᑕᐅᓪᓗᑎᑦ ᖄᖅᑎᓖᑦ ᐊᒻᒪᓗ ᐃᒡᓗᐃᑦ ᑲᑎᙵᐅᖅᑐᑦ ᓴᓂᒧᑦ ᐃᒡᓗᐊᖃᕐᕕᑉ ᐊᑦᑎᓐᓂᖅᓴᖓᓃᑦᑐᑦ (ᑯᕇᒃᓴᐃᑦ ᕕᓕᔾ−ᖑᓂᕋᖅᑕᐅᕙᔪᔪᖅ).

ᐊᒥᓱᓂᑦ ᐊᔾᔨᒌᙱᑦᑐᓂᓪᓗ ᐃᒡᓗᓂᑦ ᐊᑐᖅᑐᐊᖅᑎᑦᑎᒍᓐᓇᖅᑐᒍᑦ ᓲᕐᓗᒃ ᐃᒡᓗᕈᓯᖃᙱᑦᑐᑦ ᐃᓄᑐᐊᖅᓯᐅᑦ, ᐊᑕᐅᓯᕐᒥᒃ ᐃᒡᓗᕈᓯᓖᑦ, ᒪᕐᕉᓐᓂᒃ ᐃᒡᓗᕈᓯᓖᑦ, ᐱᖓᓱᓂᑦ ᐃᒡᓗᕈᓯᓖᑦ ᐊᒻᒪᓗ ᑎᓴᒪᓂᑦ ᐃᒡᓗᕈᓯᖃᐅᖅᑐᓂᒃ.

ᓄᓇᔅᑖᕐ ᐃᒡᓗᓂᑦ ᐊᑐᖅᑐᐊᑎᑦᑎᔨᒃᑯᑦ ᓇᒻᒥᓂᖁᑎᖃᕐᒥᔪᑦ ᐃᒡᓗᐊᓗᒻᒥ ᓲᕐᓗᒃ ᕗᕉᕕᓱ ᑐᔪᕐᒥᕕᒃ ᐊᒻᒪᓗ ᐃᖃᓗᐃᑦ ᑲᑎᕝᕕᑦᑎᐊᕙᐅᓛᖏᑦ: ᕗᕉᕕᓱ ᓂᕆᕕᒃ, ᓯᕐᓗᐊᖅ ᐊᒻᒪᓗ ᓂᕆᕕᒃ, ᑳᐱᕐᕕᖓ, ᐊᒻᒪᓗ ᑕᕐᕆᔭᕐᕕᒃ. ᐃᖃᐃᓕᓴᕐᕕᑕᖃᖅᑐᓂᓗ, ᑮᓇᐅᔭᓂᒃ ᐲᖅᓯᕕᑕᓕᒃ ᐊᒻᒪᓗ ᓂᕿᓂᒃ ᓂᐅᕕᕐᕕᑕᖃᖅᑐᓂ. ᑲᑎᒪᕕᑦᑎᐊᕙᒻᒪᕆᐅᔪᖅ 100−ᖏᓐᓃᑦᑐᑦ ᐃᓄᐃᑦ ᑲᑎᒍᓐᓇᖅᑐᑎᑦ ᑲᑐᔾᔨᓗᑎᑦ ᑲᒪᓇᒻᒪᕆᑦᑐᓂᑦ ᐊᑐᖅᓯᒪᔭᖏᓐᓂᑦ ᐊᒻᒪᓗ ᐃᓱᒪᒋᔭᖏᓐᓂᑦ ᑕᐅᖅᓰᓗᑎᑦ. ᐃᒡᓗᐊᓗᖃᕐᕕᒻᒦᙶᕐᓗᑎᑦ ᐱᓱᒍᓐᓇᕐᒥᔪᑎᑦ ᐃᓕᖅᑯᓯᕐᓂᑦ ᑕᑯᒃᓴᐅᑎᑦᑎᓲᓂᑦ, ᓂᐅᕕᕋᓚᒋᐊᖅᑐᕐᓗᑎᑦ, ᐃᓕᓴᕕᓄᑦ ᐊᒻᒪᓗ ᐳᐃᔾᔪᕋᕐᕕᓄᑦ ᐱᓱᒍᓐᓇᖅᑐᑎᑦ, ᐊᒻᒪᓗ ᐱᐅᓛᖅ: ᓄᓇᑐᐃᓐᓇᕐᒧᑦ ᓯᔾᔭᒧᑦ ᐱᓱᒋᐊᓯᒍᓐᓇᖅᑐᑎᑦ ᑕᕝᕙᙵᑦ. ᑐᑭᓯᒋᐊᒃᑲᓐᓂᕈᒪᒍᕕᑦ ᐃᒡᓗᐊᓗᑉ ᒥᒃᓵᓄᑦ, ᑕᑯᓂᐊᕐᓗᒍ ᐃᑭᐊᖅᑭᕕᖓ www.astrohill.ca

ᐃᒡᓗᒥᒃ ᐊᑐᖅᑐᐊᕈᒪᓐᓂᕈᕕᑦ ᖃᐅᔨᒃᑲᖅᑎᒍᑦ ᐅᕗᖓ ᐅᖄᓚᓗᑎᑦ 867-979-5558 ᐅᕝᕙᓘᓐᓃᑦ ᖃᕋᓴᐅᔭᒃᑯᑦ ᑎᑎᕋᕐᓗᑎᑦ rentals@nunastar.com

RSS
Google+
Twitter